Beschreibung von Köln, Erzbischöfliche Diözesan- und Dombibliothek, Cod. 12

Inhaltsangabe

• Titel: Evangelia quatuor Autor: ab HIERONYMO in Latinum translata Insunt picturae, praecipue in Fol. 4v, 22v, 23, 74, 109, 163.

• Fol. 203-210 Capitulare evangeliorum (quo Sequentiae sancti evangelii, quae in missali Romano insunt, indicantur).

• Fol. 3 . "Multimoda divinarum scripturarum assertione est inculcatum, quomodo pro adipiscendis virtutibus sit elaborandum, sed satis superque ibi inscribitur, solius cuiusquam mortalium non esse, ut ad eas omnes optinendas possit ascendere. Cuius rei etiam exemplo informamur ab apostolo, qui meritorum qualitates siderum claritate distinxit, cum aliam solis claritatem aliam lunae testificans, stellam etiam ab stella in claritate distare subintulit. Qua in re ego, Hillinus, quamvis indignus presbiterii tamen ordine functus, talibus cogitationibus mentem informans, dum non video me ad prestantioris claritatis sidera, altas videlicet virtutes, posse pertingere, saltem inter minus lucentes stellas gressum bonae voluntatis divino auxilio figere temptabo. Scio namque, eodem apostolo docente, quod non omnes actus membrorum aequales sint, et quamquam in corpore id est sancta aecclesia, prestantioris actus sit mauus quam pes, non tarnen abicitur pes sicut non necessarius, sed a capite Christo in sui ministerii loco necessarius habetur et fovetur. Igitur quoniam qui mirabilis in sanctis praedicatur, vult in eis etiam honorari, praesentem evangeliorum librum tibi, o post Christum dominorum dulcissime, sancte Petre, praesumo offerre, quem non praedives apparatus auri et argenti et gemmarum conportavit, sed caritatis, quae mihi ad te est, ministravit moralis benignitas; hunc tu illo dignare respectu, quo a Christo duo minuta viduae sunt probata. Confiteor, me ad maiora offerenda minus idoneum, te sanctitas tua ad haec parva suscipienda suadeat sufficientem, ut me clavibus linguae tuae clementer solutum nequaquam stringat poena culparum.

  Si quis vero ad hunc auferendum presumptuosam ingesserit manum, huic tu, sancte Petre; quantum cum Christo poteris, redde talionem: maneant ei a te, si amplius nolis deliberare, digne quoque mercedes Ananiae et Saphirae, qualiter cum illos pro suorum fraudibus plecteretur vindicta (sic), hunc utique pro alienorum ablatione iniusta sequatur et appraehendat ultio inremissiva.